BERSYONG FILIPINO

1. Tagapag-organisa

Ang Aviation Services Company, na nagnenegosyo sa ilalim ng pangalang “Riyadh Air”, isang single shareholder closed joint stock company na itinatag at umiiral alinsunod sa mga batas ng Kaharian ng Saudi Arabia, na may commercial registration number 1010768826 at unified national number 7027195267, at may rehistradong tanggapan sa General Authority of Civil Aviation, Building 4075, P.O. Box 8427, Riyadh 13443, Kaharian ng Saudi Arabia (ang “Kumpanyang Nag-oorganisa”).

2. Pangkalahatang-ideya ng Paligsahan (“Family Reunion Trip”)

Nag-aalok ang Paligsahan sa mga Kwalipikadong Kalahok ng pagkakataong manalo ng Family Reunion Trip na isinaayos ng Kumpanyang Nag-oorganisa, kung saan ipapalipad ang mananalo at ang kanyang Mga Nominadong Miyembro ng Pamilya mula Riyadh, Kaharian ng Saudi Arabia (“Riyadh”) patungong Maynila, Republika ng Pilipinas (“Maynila”), o ipapalipad ang Mga Nominadong Miyembro ng Pamilya ng mananalo mula Maynila patungong Riyadh (ang “Family Reunion Trip”).
Ang Family Reunion Trip ay nakalaan para sa isang (1) mananalo. May karapatan ang mananalo na magnomina ng hanggang apat (4) na miyembro ng pamilya (ang “Mga Nominadong Miyembro ng Pamilya”) na nakakatugon sa mga pamantayang nakasaad sa sugnay 3.2 sa ibaba.

3. Pagiging Kwalipikado (“Mga Kwalipikadong Kalahok”)

3.1 Bukas ang Paligsahan sa mga indibidwal na nakakatugon sa lahat ng pamantayang nakasaad sa ibaba:
• May edad na 18 taon o higit pa sa oras ng pagsali;
• May hawak na balidong pasaporteng Pilipino para sa paglalakbay;
• Mamamayan ng Republika ng Pilipinas;
• Naninirahan sa Kaharian ng Saudi Arabia at may hawak na balidong Saudi residency permit (Iqama/Muqeem) na may bisang kinakailangan ng mga kaukulang awtoridad upang makapag-sponsor ng family visit visa;
• Kwalipikado, sa ilalim ng mga batas at regulasyon ng Kaharian ng Saudi Arabia na umiiral sa kaukulang panahon, na mag-sponsor ng family visit visa para sa kanilang Mga Nominadong Miyembro ng Pamilya, kabilang ang anumang kinakailangan kaugnay ng propesyong nakatala sa kanilang residency permit; at
• Bagong sumali sa Sfeer sa loob ng Panahon ng Paligsahan.

3.2 Ang Mga Nominadong Miyembro ng Pamilya ay dapat makatugon sa lahat ng pamantayang nakasaad sa ibaba:

• Malapit na miyembro ng pamilya ng mananalo, sa loob ng antas ng pagkakamag-anak na pinapayagan sa ilalim ng mga regulasyon ng family visit visa ng Kaharian ng Saudi Arabia (ibig sabihin, asawa, mga magulang o mga kapatid lamang), na ang relasyon ay pinatutunayan ng mga opisyal na dokumento (tulad ng birth o marriage certificate na inisyu ng PSA) na na-authenticate ayon sa kinakailangan ng mga kaukulang awtoridad;
• May edad na 18 taon o higit pa sa loob ng Panahon ng Paligsahan;
• Naninirahan sa Republika ng Pilipinas sa oras ng pagsali para sa Family Reunion Trip;
• May hawak na balidong pasaporte na may bisang hindi bababa sa anim (6) na buwan lampas sa mga nakatakdang petsa ng biyahe;
• Makakuha, sa pamamagitan ng sponsorship ng mananalo, ng balidong visa para makapasok sa Kaharian ng Saudi Arabia, at makatugon sa lahat ng kinakailangan sa paglalakbay, imigrasyon, seguridad, kalusugan at regulasyon na itinakda ng Kumpanyang Nag-oorganisa at ng mga kaukulang awtoridad ng Republika ng Pilipinas at ng Kaharian ng Saudi Arabia, kabilang ang mga pormalidad sa pag-alis mula sa Pilipinas (departure formalities).

3.3 Ang pagiging kwalipikado ay may kondisyon at itinatakda ng Kumpanyang Nag-oorganisa, at, kung naaangkop, nakadepende sa pagtanggap ng mga kaukulang awtoridad (kabilang ang mga awtoridad sa pagpapalabas ng visa at imigrasyon), mga airline partner, mga hotel partner at iba pang third-party service provider.
3.4 Kung matukoy ng Kumpanyang Nag-oorganisa, ayon sa sarili nitong pagpapasya, na ang anumang pag-uugali o aktibidad ng sinumang Kwalipikadong Kalahok o Nominadong Miyembro ng Pamilya ay hindi alinsunod sa mga batas o kultura ng Kaharian ng Saudi Arabia, o hindi naaangkop, babawiin ang kanilang karapatang lumahok.
3.5 Hindi kwalipikadong lumahok ang mga empleyado ng Kumpanyang Nag-oorganisa, ng mga kaanib (affiliates) at ahensya nito, at ang kanilang mga kagyat na miyembro ng pamilya.
3.6 Ang pagiging kwalipikado na manalo ng Family Reunion Trip ay itinatakda ayon sa sariling pagpapasya ng Kumpanyang Nag-oorganisa (na maaaring magbago), at ang pagpapasyang ito ay may bisa at hindi maaaring tutulan.

4. Paano Sumali

4.1 Ipo-promote ang Paligsahan sa pamamagitan ng mga Facebook community na itinuturing na angkop ng Kumpanyang Nag-oorganisa at ng Riyadh Air.
4.2 Upang sumali, dapat matagumpay na makumpleto ng mga Kwalipikadong Kalahok ang mga hakbang sa pagsali na nakasaad sa opisyal na komunikasyong pang-promosyon, na maaaring kabilangan ng pagsusumite ng mga kinakailangang detalye (kabilang ang mga detalye ng kanilang Mga Nominadong Miyembro ng Pamilya) sa pamamagitan ng itinalagang form o platform, at ng pagtanggap sa mga T&C na ito at sa privacy policy at iba pang patakaran ng Riyadh Air.
4.3 Isang entry lamang ang pinapayagan bawat tao.

5. Panahon ng Paligsahan

5.1 Magbubukas ang Paligsahan sa ika-30 ng Setyembre 2026 at magsasara sa ika-25 ng Oktubre 2026 (ang “Panahon ng Paligsahan”).
5.2 Ang mga entry lamang na natanggap sa loob ng Panahon ng Paligsahan ang isasaalang-alang.

6. Pagpili ng Mananalo

6.1 Pipiliin ang mananalo sa pamamagitan ng random draw mula sa lahat ng kwalipikadong entry na natanggap sa loob ng Panahon ng Paligsahan.
6.2 Isasagawa ang random draw gamit ang isang patas at walang kinikilingang paraan na itatakda lamang ng Kumpanyang Nag-oorganisa.
6.3 Kabuuang isang (1) mananalo ang pipiliin. May karapatan ang mananalo na magnomina ng hanggang apat (4) na Nominadong Miyembro ng Pamilya, na kailangan ding makatugon sa mga pamantayan ng pagiging kwalipikado na nakasaad sa sugnay 3.2 sa itaas.
6.4 Isasagawa ang pagpili ng mananalo sa loob ng labing-apat (14) na araw sa kalendaryo mula sa huling araw ng Panahon ng Paligsahan, at ipapaalam ito sa mananalo ayon sa nakasaad sa sugnay 7 sa ibaba.
6.5 May karapatan ang Kumpanyang Nag-oorganisa na gumawa ng pinal na desisyon na hindi maaaring hamunin at ituturing na may bisa.

7. Pag-abiso sa Mananalo

7.1 Pribadong kokontakin ang mananalo sa pamamagitan ng email o tawag sa telepono, bilang aprubadong paraan ng komunikasyon na pinili ng Kumpanyang Nag-oorganisa, gamit ang mga detalye ng contact na ibinigay niya sa pagsali.
7.2 Ang lahat ng kinakailangang impormasyon (tulad ng mga detalye ng biyahe, flight itinerary, logistics ng pag-alis at anumang impormasyong may kaugnayan sa visa) ay ibabahagi lamang sa mananalo.
7.3 Kung:
(i) hindi tumugon ang mananalo sa loob ng 48 oras mula nang maabisuhan siya ng kanyang pagkapanalo;
(ii) hindi pumasa ang mananalo sa beripikasyon ng pagkakakilanlan, o hindi siya nakapagbigay ng mga sumusuportang dokumento o anumang iba pang impormasyong hinihingi ng Kumpanyang Nag-oorganisa;
(iii) itinuring ng Kumpanyang Nag-oorganisa na hindi kwalipikado ang mananalo sa anumang iba pang kadahilanan;
(iv) hindi makapag-sponsor o makapag-apply ang mananalo ng kinakailangang family visit visa para sa kanyang Mga Nominadong Miyembro ng Pamilya;
(v) hindi makakuha ang Mga Nominadong Miyembro ng Pamilya ng kinakailangang visa, o hindi sila makapaglakbay sa loob ng kaukulang panahon ng biyahe;
(vi) tinanggihan o hindi naaprubahan ang aplikasyon ng Mga Nominadong Miyembro ng Pamilya; o
(vii) hindi pumasa sa beripikasyon o itinuring na hindi kwalipikado ang sinumang Nominadong Miyembro ng Pamilya, at walang kapalit na Nominadong Miyembro ng Pamilya (na nakakatugon sa mga pamantayan ng pagiging kwalipikado sa sugnay 3.2) na naipaalam sa Kumpanyang Nag-oorganisa sa loob ng anim (6) na oras mula sa pagpapabatid, may karapatan ang Kumpanyang Nag-oorganisa, ayon sa sarili nitong pagpapasya, na bawiin ang Premyo kaugnay ng mananalong iyon at pumili ng kapalit na mananalo, o ibigay ang Premyo sa mga natitirang kwalipikadong Nominadong Miyembro ng Pamilya lamang.

8. Ang Premyo (“Premyo”)

8.1 Ang bawat Premyo ay binubuo ng alinman sa:
• Mga Premium Economy Class na tiket sa mga flight na pinapatakbo ng Riyadh Air, na may rutang Maynila-Riyadh-Maynila, para sa bawat isa sa Mga Nominadong Miyembro ng Pamilya ng mananalo (hanggang apat (4) na katao), alinsunod sa availability at sa mga kaayusan sa biyahe na itatakda ng Kumpanyang Nag-oorganisa, kasama ang akomodasyon sa loob ng pitong (7) gabi sa hotel na pipiliin ng Kumpanyang Nag-oorganisa; o
• Isang Premium Economy Class na tiket sa mga flight na pinapatakbo ng Riyadh Air, na may rutang Riyadh-Maynila-Riyadh, kasama ang hanggang apat (3) na Nominadong Miyembro ng Pamilya.
Upang ma-book ang Premyo, kailangang isumite ang kahilingan nang hindi bababa sa labing-apat (14) na araw sa kalendaryo bago ang nakatakdang petsa ng pag-alis, at ito ay nakadepende sa pag-apruba ng Kumpanyang Nag-oorganisa at sa availability.

8.2 Ang Premyo:
• Hindi maililipat (ibig sabihin, hindi maaaring ibenta muli), hindi maipapalit, at walang katumbas na cash;
• Kinabibilangan lamang ng mga bagay na hayagang nakalista sa sugnay 8.1;
• Hindi kasama ang mga visa, bayad sa visa, medical insurance na kinakailangan para sa pagpapalabas ng visa, bayad sa attestation o authentication ng mga dokumento, transportasyon sa lupa, pagkain, travel insurance, personal na panggastos, mga incidental na gastusin o anumang iba pang gastos, maliban kung hayagang isinaad ng Kumpanyang Nag-oorganisa;
• Nakadepende sa availability ng flight at ng hotel, mga operational constraint, mga security check, pagpapalabas ng visa at anumang naaangkop na pag-apruba;
• Dapat gamitin bago ang ika-31 ng Disyembre 2026 at hindi maaaring ipagpaliban sa ibang petsa;
• Nangangailangang sabay na maglakbay ang Mga Nominadong Miyembro ng Pamilya sa iisang itinerary ng biyahe (ibig sabihin, iisang order number) na kinumpirma ng Kumpanyang Nag-oorganisa.
8.3 Lahat ng gastos na hindi hayagang kasama ay pananagutan ng mananalo at ng kanyang Mga Nominadong Miyembro ng Pamilya.
8.4 Responsibilidad ng mananalo ang pag-sponsor at pag-apply ng family visit visa ng Mga Nominadong Miyembro ng Pamilya sa mga kaukulang awtoridad ng Kaharian ng Saudi Arabia, at ang pagtiyak na sumusunod ang Mga Nominadong Miyembro ng Pamilya sa mga pormalidad sa pag-alis mula sa Republika ng Pilipinas.

9. Paglalakbay at Pag-uugali

9.1 Ang paglahok ay nakadepende sa pagsunod sa lahat ng patakaran ng Kumpanyang Nag-oorganisa, mga kinakailangan ng airline, mga patakaran ng hotel, mga kinakailangan sa imigrasyon, customs, kalusugan at kaligtasan, mga batas at kaugalian ng Kaharian ng Saudi Arabia, at mga tagubilin mula sa Kumpanyang Nag-oorganisa, crew ng airline, staff ng hotel at anumang kaukulang third party.
9.2 May karapatan ang Kumpanyang Nag-oorganisa na tanggihan ang paglalakbay o paglahok, o alisin ang sinumang mananalo at/o ang kanyang Mga Nominadong Miyembro ng Pamilya na hindi sumusunod sa alinman sa mga kondisyong nakasaad dito.
9.3 Ang mananalo at ang kanyang Mga Nominadong Miyembro ng Pamilya ay dapat kumilos nang responsable at hindi dapat kumilos sa paraang maaaring makasira sa reputasyon ng Kumpanyang Nag-oorganisa, ng mga partner nito, ng hotel o ng airline.
9.4 Lilimitahan ang pagkuha ng video, pagkuha ng litrato o pag-post sa social media ng mananalo at ng kanyang Mga Nominadong Miyembro ng Pamilya (kabilang sa mga paliparan, sakay ng eroplano at sa hotel), alinsunod sa mga tagubilin ng Kumpanyang Nag-oorganisa.

10. Proteksyon ng Datos at Privacy

10.1 Ang mga personal na datos na kokolektahin ay gagamitin lamang para sa mga layunin ng pangangasiwa ng Paligsahan at ng Family Reunion Trip, kabilang ang mga pagsusuri sa pagiging kwalipikado, beripikasyon ng mananalo, beripikasyon ng Mga Nominadong Miyembro ng Pamilya, mga kaayusan sa biyahe at hotel, at mga komunikasyon, alinsunod sa privacy policy ng Kumpanyang Nag-oorganisa, na maaaring ma-access sa https://www.riyadhair.com/en/privacy-policy.
10.2 Maaaring ibahagi ang mga personal na datos sa mga third party para lamang sa mga layunin ng pangangasiwa ng Paligsahan at paghahatid ng Premyo, kabilang ang mga ahensya, airline partner, hotel partner, operator ng paliparan, awtoridad sa imigrasyon at visa, regulator, ahensyang tagapagpatupad ng batas at iba pang service provider kung kinakailangan.
10.3 Sa pagsusumite ng mga detalye ng Mga Nominadong Miyembro ng Pamilya, kinukumpirma ng kalahok na: (a) ipinaalam niya sa kanila ang pagproseso ng kanilang personal na datos para sa mga layuning inilarawan sa mga sugnay 10.1 at 10.2; (b) ipinaalam niya sa kanila ang kanilang mga karapatan sa ilalim ng Personal Data Protection Law ng Kaharian ng Saudi Arabia (kabilang ang karapatang bawiin ang pahintulot, at humiling ng access, pagwawasto o pagbura ng kanilang personal na datos); at (c) nakuha niya ang kanilang pahintulot (o, para sa mga menor de edad, ang pahintulot ng kanilang magulang o legal na tagapag-alaga) sa naturang pagproseso. Dapat tiyakin ng mananalo na magbibigay ang Mga Nominadong Miyembro ng Pamilya ng sarili nilang hiwalay at nakasulat na pahintulot para sa anumang paggamit para sa publisidad alinsunod sa sugnay 11.

11. Publisidad

11.1 Bago ang biyahe, hihilingin sa mananalo at sa kanyang Mga Nominadong Miyembro ng Pamilya na magbigay ng kanilang hiwalay at nakasulat na pahintulot na makunan ng litrato, ma-video, ma-record, makuha at maitampok ng o sa ngalan ng Kumpanyang Nag-oorganisa sa panahon ng Family Reunion Trip, kabilang sa paliparan, sakay ng eroplano, sa hotel at sa pagdating sa Riyadh. Kukunin ang pahintulot gamit ang isang hiwalay na consent form na nagpapaliwanag sa uri at saklaw ng nilalayong paggamit.
11.2 Kapag nakuha na ang balidong pahintulot alinsunod sa sugnay 11.1, maaaring gamitin ng Kumpanyang Nag-oorganisa ang pangalan, imahe, wangis, boses, litrato, video, mga recording at iba pang katangian ng personalidad ng mananalo at ng kanyang Mga Nominadong Miyembro ng Pamilya sa mga channel ng Riyadh Air, kabilang ang social media, website, app, paid, owned at earned media, kaugnay ng Paligsahan at ng mga kaugnay na aktibidad na pang-promosyon, sa loob ng dalawang (2) taon mula sa petsa ng Family Reunion Trip, maliban kung bawiin ang pahintulot alinsunod sa sugnay 11.4 sa ibaba. Para sa Mga Nominadong Miyembro ng Pamilya na wala pang 18 taong gulang, ang pahintulot na ito ay ibinibigay ng kanilang magulang o legal na tagapag-alaga. Ang mananalo at ang kanyang Mga Nominadong Miyembro ng Pamilya ay hindi mag-aangkin ng anumang karapatan sa intelektwal na ari-arian sa anumang nilalamang pang-publisidad na nalikha bunga ng Paligsahan.
11.3 Walang ginagarantiya o kinakailangang pampublikong anunsyo ng mananalo.
11.4 Maaaring bawiin ng mananalo at ng kanyang Mga Nominadong Miyembro ng Pamilya ang kanilang pahintulot sa paggamit para sa publisidad anumang oras sa pamamagitan ng nakasulat na abiso sa Kumpanyang Nag-oorganisa sa privacy@riyadhair.com. Sa pagtanggap ng balidong kahilingan sa pagbawi, ititigil ng Kumpanyang Nag-oorganisa, sa loob ng makatwirang panahon, ang karagdagang paggamit ng imahe, wangis, boses at mga recording ng kaukulang indibidwal sa mga bagong materyal na pang-promosyon. Hindi maaapektuhan ng pagbawi ng pahintulot ang legalidad ng pagproseso batay sa pahintulot bago ito binawi, o ang anumang materyal na nailathala na.
11.5 Bago kunin ang pahintulot sa ilalim ng sugnay 11.1, magbibigay ang Kumpanyang Nag-oorganisa sa mananalo at sa kanyang Mga Nominadong Miyembro ng Pamilya ng privacy notice na nagpapaliwanag ng: (a) mga kategorya ng personal na datos na ipoproseso; (b) mga layunin ng pagproseso para sa publisidad; (c) tagal ng paggamit; (d) sinumang third party na maaaring maka-access sa datos; at (e) mga karapatan ng data subject sa ilalim ng Personal Data Protection Law ng Kaharian ng Saudi Arabia, kabilang ang karapatang bawiin ang pahintulot, at humiling ng access, pagwawasto o pagbura ng kanyang personal na datos.

12. Limitasyon ng Pananagutan

12.1 Walang pananagutan ang Kumpanyang Nag-oorganisa sa:
• Mga entry na hindi natanggap dahil sa mga teknikal na isyu;
• Mga pagbabago, pagkaantala, pagkansela, pagpapaliban o hindi pagiging available ng mga flight o akomodasyon sa hotel na lampas sa makatwirang kontrol nito;
• Pagtanggi, pagkaantala o pagkansela ng anumang visa, o ng pahintulot sa pagpasok o pag-alis, ng mga kaukulang awtoridad;
• Anumang gastos o gastusin na hindi hayagang kasama sa Premyo;
• Anumang kilos o pagkukulang ng isang third party, kabilang ang mga airline, hotel, paliparan, awtoridad ng pamahalaan, transport provider at service provider.
12.2 Walang anuman sa mga T&C na ito ang nag-aalis ng pananagutan para sa kamatayan o personal na pinsala na dulot ng kapabayaan, o ng anumang iba pang pananagutan na hindi maaaring alisin ayon sa batas.

13. Pangkalahatan

13.1 May karapatan ang Kumpanyang Nag-oorganisa, ayon sa sarili nitong pagpapasya, na baguhin, suspindihin o kanselahin ang Family Reunion Trip kung kinakailangan.
13.2 Ang mga T&C na ito ay pinamamahalaan ng mga batas ng Kaharian ng Saudi Arabia, at ang mga hukuman sa Riyadh, Kaharian ng Saudi Arabia, ang may eksklusibong hurisdiksyon na dinggin ang anumang hindi pagkakaunawaang maaaring lumitaw.
13.3 Sa pagsali sa Paligsahan, itinuturing na tinanggap ng mga kalahok ang mga T&C na ito.
13.4 Lahat ng karapatan sa intelektwal na ari-arian na may kaugnayan sa Paligsahan, kabilang ngunit hindi limitado sa mga materyal na may copyright, trademark, trade name, logo, disenyo, materyal na pang-promosyon, web page, source code, drawing, ilustrasyon, slogan at representasyon, ay pag-aari o ginagamit sa ilalim ng lisensya ng Kumpanyang Nag-oorganisa. Lahat ng karapatan ay nakalaan sa Kumpanyang Nag-oorganisa. Mahigpit na ipinagbabawal ang hindi awtorisadong pagkopya o paggamit ng anumang naturang karapatan sa intelektwal na ari-arian nang walang hayagang nakasulat na pahintulot ng Kumpanyang Nag-oorganisa.
13.5 Ang mga T&C na ito ay inilalathala sa Ingles at Filipino. Sakaling may anumang hindi pagkakatugma sa pagitan ng dalawang bersyon, mananaig ang bersyong Ingles.